MARKANTE HANDLUNGEN - Vollendete Tatsachen

by ANT Die Antwort

MARKANTE HANDLUNGEN - Vollendete Tatsachen cover art
/
1.
00:41
2.
04:32
lyrics
3.
03:41
lyrics
4.
04:34
lyrics
5.
03:01
6.
02:50
lyrics
7.
04:35
lyrics
8.
00:34
lyrics
9.
02:26
lyrics
10.
02:02
11.
03:01
lyrics
12.
04:10
lyrics
13.
01:34

credits

released 24 June 2005

tags

tags: hiphop rap Linz

license

all rights reserved

feeds

feeds for this album, this artist

contact / help

For inquiries, click here.

Track Name: Anthem
Hook:
Markante Handlungen braucht kan Hype, nur Raum und Zeit,
um jeden Traum vu Leid büd se a Traubn vu Leid,
olle schauns vorbei, Heads san down und bleibn,
doch da Rest der Crowd vu heid hot nu ka Aug für Style,
eana taugt nur Scheiß, des steht außer Streit,
wir glauben es reicht, und baun uns a Denkmoi, auf des ka Taubn mehr scheisst,
glaubst des is weich wie da aundare Brei,
daun trau de und bite und es is aus und vorbei !

Kayo:
Es wa a glotte Lüge, zu sogen wir breichten kane Kroftausdrücke,
doch auf unserer Plottn findst trotzdem kane plotten Sprüche.
Scho unser Intro wirkt auf Heads wie Ginkgo,
bei dir is nix zu mochn, ois wos du checkst is' Mikro !
Wos föd is Basiswissen, MCs woin Punches kicken,
ohne je gheat z'hom von funky technician.
Vü werfen d'Flinten ins Korn, oder Prinzipien über Bord,
Rap is a hoates Business- doch wir spoan net aun DJs,
Labels erwoaten Gewinne, doch wir foan unser Schiene,
Lyrics a Moaktnische, und wir san in da vordan Riege -
bei Wortspiele, unsere Texte fordan Bands,
doch kana von uns foad an Benz.
Wos erwoats eich von uns, von ana der Linzer Vorzeigecrews,
daß i in Videos mit Foazeige cruise?
Doch wir brennan mit a boa neiche Tunes, chlorreich wie Pools,
kloa wer’ma net reich, doch wir hobn Oabeit genug !

Bauxl:
Wir san oft kopiert nur leider sötn erreicht,
Pioniere am Papier uns trennan Wötn vo eich !
Und des min Göd is nur a Gschichtl, meine Leid hom kan Zasta,
oba Rap hod scho des Image vo da Raiffeisenkassa.
Die Reime werdn so g'wassat wie a pantschter Whiskey,
he und daß ma amoi draufhaun hast die Punch dawischt di.
Olle dans auf wichtig doch wir haums durchschaut,
bei de Beats und a de Features merkt ma: ois is kauft !
Jo, nur boid is' aus, wei meine Jungs hom a Zeig des so kickt -
Kinder kumman nie wieder oba von unsam Shit.
Die Mundoat reisst so mid - wir san a treibende Kroft
und noch dem Flow bist mid uns unten, oba leida in' Boch !
Die meisten werdn scho schwoch, sie kennan ned amoi d'Feder fian,
wei zum Erkennan vo fake und real homs z'wenig im Hirn.
Des Game is blockiert wie a Reifen beim Voibremsen -
wir foign, schneidn d'Kurven bist zur Letzten und übahoin !

Hook

GC:
A scho de Ötan san verstört und verzweifön,
wei ma Kinder ois Hörer schnö überzeign - unser Wöt is a Scheibm !
Gstörte Leid werdn boid völlig entgleisen und
ned sötn schmözn söbst de vom öderen Eisen.
Nörgler gehn scheißn und gspian nur Burner bei Durchfoi,
doch für Starsearch san mia da nötige Urknoi.
Zum Woi da Kunst kummt unsa Druckwön,
Crews quön si mit uns, woins nua a Hook stöhn.
Auf uns kaunst zöhn wie auf Rechenschieber,
längst is sicher, nur a Bruchzoi nähert si n'Rap vo Linzer !
Texte kick ma noch jedm Denkaunstoß,
und jeder schaut auf zu uns, ois wa eana des scho z'hoch.
Hip Hops NGOs gebn Heads an Botzen in d'Haund,
a olle Djs krotzen wos zaum.
Für des Album brauchst an schoafn Vastaund,
ka sportliches Gwaund - mit aundan Wortn, erspoa da de Schaund !

Markee:
Mir brennan wie a Luster - Biter hean a Zeun und kriang an Gusta -
Heads taunzen im Zimmer - schlechter Rap kaun nimmer gwinga -
Crews woin Glaunz und Glimmer, oba se haum kan Schimmer !
Mir rulen des Game - kana braucht se aufpudeln deswegen !
Toys woin aufhoin oba hudeln extrem !
Mir san laut und mir san laut de Besten de Besten -
es gibt kan do draußt, der de Punch so baut - Ganslhaut!
Mir flown dort weida, wo de aundan stoppen, a waun ma laung nix droppen
lodats Feia - de Koffer kinnan zaumpockn!
Mir representen wie de Präsidenten, kartln mit Illuminaten
und kinnatn d'Hillary Clinton am Billardtisch binden.
Waun ma woin, haumma Koin, oba mir brauchan den Scheiß ned,
unsare Skills liefern an haufn Beweise !
Mir san näher ba de Heads ois Hoawox
und haum de Texte so schoaf gmocht, dass' brennan wie a rots Oaschloch!

Hook
Track Name: Nur wei
Bauxl:
Nur wei wer aufaungt, hast des ned er is am Start,
ma hod nur wei ma fertig is no kan fertigen Part.
Und a Vers is ned fantastisch, nur wei wer fantasiert,
nur wei vü davon g'red wird, hast no ned, daß' a passiert !
Nur wei i mi amüsier, muass' ned sei, daß i dauernd grins
und nur wei wos glaubhoft klingt, ned, daß de Aussoge stimmt;
Nur wei wos aussasticht, brauch ma beim Schreibn ka Messer,
oba san scho übam Berg wie da Reinhold Messner !

Kayo:
Nur wei se de meisten Rapper um Texte kaum schean,
wü i net ois über an Kaum schean- zeast amoi auhean,
kana muaß kraung wean, nur wei ma ill rappt,
und nur wei i eich austeck, übertrog i no lang kan in’ Phekt !
Nur wei'd Cds im Saturn stengan,
hast des ned, daß' a guat gengan, egal wos se de Hater dazua dengan.
Wir verkaufen mehr, nur wei d'Qualität stimmt,
de Leid wissen für wos unser Logo steht wie ba die Tapekingz !

Hook: (Markee)
Nur wei ma länger überlegen, sam’ma länger überlegen,
nur wei ma des Gaunze gebn, g'heat uns des gaunze Game !
Mir san net fäu, nur wei ma chün.
Nur wei ma se mit eich spün, deafts eich ned mit uns spün !

Kayo:
Nur wei wer nett is, hast des no net, daß i'n net diss,
nur wei wer real is, braucht a no kan Release.
Nur wei ma underground san, samma no laung net substandard,
im Gegenteu: wir kämpfen gegen Billiglines wie d'Lufthansa !

Bauxl:
Nur wei uns kana hean wü, werdn ma laung no ned leisa,
und wer meistens glei heiser is, haut si glei üba d'Heisa !
Nur wei's high san, hast des ned, sie san gaunz oben,
und, daß olle vo Drogen redn, ned, daß' olle vatrogn !

Hook

Bauxl:
Nur wei wer dichta wiad, wiad a laung no ka Dichter,
und a wer sicha vor uns is, is vor uns no ned sicha !

Kayo:
Fühn uns ned verbunden mi'm Dichand, nur wei ma boid de Krone trogn,
nur wei olle sogn, daß ma's no ned hobn, schnapp ma's ohne Frogn !

Bauxl:
Nur wei ma großes wogn, brauch ma no ka riesen Karre,
und nur wei ma auffischiassn, brauchen wir nie a Knarre !

Kayo:
Wir rauchen ka Zigarre, nur wei uns vü auf de Lippen liegt,
und nur wei du ka Glick im Spü host, mocht mei Clique in Sieg !

Cutz

Hook
Track Name: Linz brennt
Hook:
Du wüst die Antwort vo Bauxl, Brx und G.C,
daun brauchst a Rückgrat und Megga, Twang und Markee,
sunst gehst' Kayo, denn der trifft immer Phekt!
Markante Handlungen Crew - Linz brennt!

Bauxl:
Sog wos wüstn ? I schick di bis in die Wüstn,
und bin im Bizz da Hoisobschneida wie bei griechische Büsten.
I los mein Stil ned vawüsten vo ihre mistigen Texte,
und flow komplex no so richtig, sie griagn so richtig Komplexe !
Moch mehr Druck ois a Presswerk und hau so drauf wie a Trommler,
die Wannabee-Amis san mit an Schlog a One-Hit-Wonder !
Hob daun quasi scho g'wonnan, wei kana was wos jetz kummt,
und sogoa Hellseher tappen bei meiner Darkness im Dunkeln.
Doch boid kennts jeda, schau, fois i an Vers moch daun brennt'a,
und ois Konsequenz haum in Linz ned nur Kerzen an Ständer,
sogoa Pärchen woins länga, sie san so erregt vo dem Tune,
die Statistik bemerkt am Release-Date an Baby-Boom.
I vasteh zwoa dei Wut auf mi, doch es wiad da nix nutzen,
Oida, Rap soitat dreckig sei und du miassast di putzn !
Scheissegal obs uns buchen, wir gengan ned in die Knia,
wei ma brennan wie offene Wunden beim Desinfizieren !
Hook

Kayo:
I hob Probleme mit Gangster - ohne daß i aus'n Fenster foi,
mog Leid de mi verstengan - des is bei meine Fans da Foi.
Wir hobn mit Linz längst unsern Staundort bestimmt -
Glaub ned i kum in dei Stodt und staun dort bestimmt !
MCs soitn se besser vahoiten vahoiten,
ihr brauchts uns kan Kaffee bringa, doch kennts eich den Koidn ghoidn !
Und de, de uns vorwerfen, dass ma nur batteln,
peilen net wo man stengan, drum kummans jetzt mit Fuaßfesseln !
Ma kaun se no so oft auf d'Bühne stöhn,
und no so vü vazöhn,
ohne Pointen wird ma sei Zü vavöhn !
Vü merken spätestens beim zweiten Album:
Stars haum a Vafoisdatum, deshoib vafoi ma kam Startum.
„Linz brennt !“, vor oim in da Kapu,
dort siagt ma: Tonträger bringt wos ins Roin wie a Stanbruch.
Doch zruck zur Hook, wei i sog da's gaunz ehrlich:
Nenn mi Nelson Mandela, wei i was, daß da Part heid nix Wert is !

Hook

Markee:

Los geht's ! Retts des Mic, bevor's mei Flow zfetzt !
Biter haum jetzt ogspritzt und hoin se wos zum Schreibm -
se woin mein Reim oba se woin na net zoin - i hoi ma de Koin -
grob gschätzt zoin eanane Enkökinda oiwei nu Schuidn !
Nix übafordat mein Text - Psychologen richtn schau d'Ohrn auf
den Track und findn grenzgeniale Borderline-Raps ! -
Mit mehr Funk ois George Clinton - soiche wiasd net vü vorfindn ! -
Hoach wie se de Sübm in dei Ohr windn !
Da Preis is hoch, oba der Scheiss is dope - ba dir is da Scheiss
da Flow - du gibst ma dei Demo und i hau's glei ins Klo !
Wauns Bomben zreisst, daun haasts: "De Linza sans !" -
im Grichtssoi haasts daun: "Gwinga dans !" - Da Richta mand:
mei Punch is de letzte Instanz !
Bei mein Rap geht net nur an Writer de Dosn - Rapper scheissn se in d'Hosn -
genau des is da Grund warum ma's so weit vablosn !
Mei Feia flackat wie d'Sunn und dei Lackal vadunst -
mei Zung geht rrrrrrrr-ratatatatatatata - und olle Wappla foin um !

Cutz
Track Name: Ära ft. Dj Brx
Hook:
Von jetzt bis zum Tod, Texte mit Flow,
das is die Antwort (Ära), he und der Rest is nur Show;
beim Geschäftlichen froh, wenn sich's mal lohnt,
das ist die Antwort (Ära), das mit dem Cash is gelogn,
auch von Presse gelobt, letztlich am Boden,
das is die Antwort (Ära), denn nur was schlecht is wird groß;
nur mehr bestes Niveau, lässig und roh,
das is die Antwort (Ära), ja doch die Heads sind's gewohnt !

G.C:
Aus den Fesseln gewunden, nur entbunden in Teheran -
jetzt ein Grenzenüberquerer !
Doch getrieben sich zu steigern wie bei Mega, Giga, Tera -
das ist die Antwort (Ära).
Junge MCs, Studenten, Kids und schwule Verehrer -
die Fans von uns bei Vera.
Doch im Rahmen unserer Kunst machen wir Schule wie Gehrer -
das ist die Antwort (Ära).

Cutz

Hook

Bauxl:
Für die die in der Klasse sind wird's langsam aber sicher
immer schwerer, wir erklären mehr als Lehrer.
Und gleich wieviel es kostet uns're Köpfe werden trotzdem
nicht noch leerer, das is die Antwort (Ära).
Die Krisen sind vergessen und Geschäfte werden scheinbar
wieder fairer - die Kinder hab'n Ernährer.
Und alles wird getan damit das Leben hier so göttlich
is wie Hera, das ist die Antwort (Ära).

Hook
Track Name: Höhere Gewalt
Kayo:
Vielleicht checkt uns do draußen ka Schwein ,
doch a Linzer erkennt a Punchline wie a Winzer an Panschwein !
Markante Handlungen - ois steckt scho in dem Naum,
bekaunte Crews kumman zaum wie Penelope und Tom.
Kane selbsternaunten Shootingstars,
ihr sats d'Creme de la Creme - wie die von da Uschi Glas
MCs probieren's in Mundoat, doch es bleibt se g'hupft wie g'hatscht,
es bleibt desolat, irgendwie dan ma de so lad
Oft is net so gmahnt, des Meiste siag i net so stressig,
doch wauns wirklich sein muass, diss i wie Gillespie,
deswegen wiast mi no länger hossen, waun i wos zu deim Sound sog,
doch soitast die net hänga lossen wie an Soundsog,
du bist ka MC, nur a Parodie wie Ali G,
waun von uns ana auf G (d’Schi) kummt, sam’ma in Charmonix,
waun von uns ana auf G (Chi) kummt, daun mand'a Harmonie,
wir verbrennan Mcees auf da Bühne - und Kalorien !

Cutz

Hook:
Wenn unser Plottn si bewegt, wird a des Deepste vadrängt,
wo soiche Kräfte aufandaundatreffen zittern de Wänd,
Markante Handlungen verbint Gewoit mit Intelligenz !
"Da Linza Slang, Mcees, da Winter wird streng !"
Wenn unser Plottn si bewegt, wird a des Deepste vadrängt,
wo soiche Kräfte aufandaundatreffen zittern de Wänd,
Markante Handlungen verbint Gewoit mit Intelligenz !
Und du verbrennst da de Zung scho mit am Fishermen's Friend !

G.C:
Rapper hebn zvü o, sans beflügelt vom Fame,
und wirken wie Autisten, ohne Gfüh für des Game.
I blüh vor Ideen - maunches spü i da a vor -
nur wos i überleg is, wiavü I da aspoa.
I krümm kan a Hoa, obwoi i s'Übel an der Wurzel pack -
kana schneit mehr guad o, a ned in an kurzen Cut !
Tuat ma lad, waun i eich's Leben verkehrt schüda,
des Gschäft wird nix regeln wie im Verkehr d'Schüda.
Wer verkümmert, waun Labels kane Rapper woin ?
Entäuschte Heads spün ois Toys im Web a Roin !
Nur Pseudos hoidn weng vo an Plottenvertrog -
ois hädn's di Woi, doch die kumman jo goa ned in Frog.
Hoach auf mein Rot und nimm di ned z'ernst,
wei sunst is' ka Wunder, waunst Disses im Netz ernst.
Sofernst'as no ned merkst hod davon kana wos g'hobt,
doch gabats sowos wie a Rap-Gala, daun ramad ma o !

Cutz

Hook

Markee:
Gabats nur mehr de guadn MCs wurdate friedlich und dat s'Mic auf d'Seitn,
oba leida muas i eana schau wieda mit da Peitschn deitn - wei's de Deitschn biten !
Dementsprechend is mei Druck bam flowen -
I spuck an Ton und hoi an Celebrity-Rapper zruck am Bodn !
I moch mas net leicht: I frog me zu wos für Faker das i eher neig,
oba i hoss de Player und de Hater gleich ! -
Entweder du leist' da's hoit, oda du scheisst auf ois - wos nutzt a Mic aus Goid ?
Ois wos zöd is wos ma reimt und wie tight dass' roind !
De meisten rennts jetzt koid üban Bugö -
nur de Leid de's schnoinan vafoin in an Juwö - (Schuss) - net übaroi wos knoit is' a Kugö !
Net übaroi wos an Radau gibt miassns Punches sei -
waun auf eichana Plottn unsa Logo net drauf is, stanzts'es ei !
De aundan HipHop MCs haum nu nix mitgmocht im Bizz, drum glaub e,
daß' kaum mehr so schnö an Hit noch dem gibt,
Flip hot den Beat genau für mei Crew entwücköt - de Crowd schaut aus
wie wauns de Loops köpföt - mir representen bis da Butz bröcköt !

Cutz

Hook

Bauxl:
Olle worten scho g'spaunnt, ma was, es wird a Wahnsinnsding,
wir san im Kaumpf für Bombenreime an da vordersten Front.
Und daß du manst du wast da King, geht mir scho mehr ois am Oasch,
wei des anzige wos herrscht is Erklärungsbedorf !
Daß Rapper ärgstens auf hoat spün, hod mit mir nix zum duan,
sie vakaufn die Substanz nua, oba wir haums im Bluat.
Und waun du wirklich so guat sei wüst, daun wa's besser ois Christ,
wei dei Pressemitteilung mocht di greßa ois'd bist.
A der Mist, den'st in de Hits redst, is ma fix z'bled,
und i kumm auf deine Gigs ned, wei's um nix geht !
Wir san live wie a Big-Band und blosen di gegen d'Wond,
jeder kauft si glei a Koatn, der ned in da Gegend wohnt.
Doch da Weg hod si g'lohnt, wei bei de Skills san ma Millionäre,
ohne Villen am Meer vasetz ma immer no Berge.
Wir bringan härteste Punches nur auf dem hechsten Niveau,
wei wir boxen uns an Füm durch wie Silvester Stallone !

Cutz

Hook:
Wenn unser Plottn si bewegt, wird a des Deepste vadrängt,
wo soiche Kräfte aufandaundatreffen zittern de Wänd,
Markante Handlungen verbint Gewoit mit Intelligenz !
Vü san de Hitz no ned g'wend und haum jetzt schwitzade Händ.
Wenn unser Plottn si bewegt, wird a des Deepste vadrängt,
wo soiche Kräfte aufandaundatreffen zittern de Wänd,
Markante Handlungen verbint Gewoit mit Intelligenz !
Es gibt ka fittere Band, wir representen bis ans bittare End !
Track Name: L/I/N/Z Skit
Linza lossn literweis Lyrics auf laffe Loser los,
leider laufts live längst lässig - Leid lechzen vor Lust auf Lob.
I bin min Mikro sicher und kill mit di Skills Michi-MCs,
die hinigen Spinner kopieren mi, doch kinnan do niemois mit.
Neider neigen no zum Nörgeln, nur netta ned zur Vernunft
und verneigen si vor Naumen, nur niemois im Naum' der Kunst.
Tränzer mit zache Zeun zittern zur Zeit ziemlich de Zähnd -
I ziag da de Wurzel mit Zeig des da zagt: vaziag di dezent !
Track Name: Buchstabiert
Markee:
MCs mochan me miad, wei's imma manan se miassn mödn -
oba merkts eich: De Mörder-Mundoat-Numman mochan nur mir !
Kana was an Schas vu dem Schas den Markante Handlungen was -
verbale Stars - Masters des Bla-Bla-Bla's !
Unsere Reime roinan imma rund - aus am dringenden Grund:
Se ruafn Rap in Erinnerung !
Markee, Kayo, Baux und da Doc kennan ka Konkurrenz -
Kiddies wer kauft eichan Kack ?
I gib Gas wie a Panther, bin haas wie Casablanca -
a markanta Chanta - i bring de (aaaah) wie Kalachakra Tantra !
Vun uns is nix in de News, obwoi ma dauand brennan -
es is nur da Neid, wauns unsan Naum nu ned nennan !
De Tonträger-Truppn drängt zum Thron - uns treibt de Tightness,
dei Team netta s'Testosteron !
Wegn dem Track geht dei Band im End entgegen, wei er is
so extrem fresh, daß de jetzt ned amoi deine Fans nu megn !

Bauxl:
He Habara horch her, Hip-Hop hod zwa H's
oba Hardcore hast ned i hob a hoats Herz.
A waunst aufpassn daradst übersagastas a,
wei noch an Part drahts di ham ois waradst im Tagada !
Nur die Nerds im Netz finden spinnade Nicks nice,
nur nix Neichs, ois x Files vo grindige Singles.
Durch Deppen wie di, die dengan sie san unentdeckte Genies,
und die Texte san deep, doch dabei bist du netta a Dieb !
Olle Battle MCs san wahrscheinlich glei amoi Valetzte,
und des letzte Release vo dir Loser wor leida des Letzte !
Wir kumman zum U und mei gaunze Crew is am Zug,
wei dei Musi so smooth is, sogoa de Groupies schrein': Buuh !
Wir kennan uns länger, san scho wie a Band auf an Nenner,
und du Penner hängst daham umanaund und vabrennst Henna.
Gemma ! Wir gebn da so Gas, es druckt di mit drei G in Sitz,
i glaub noch unsre Gigs griagst glei amoi an Gips !
He vo dem wos de do redn vasteh i wenig wie Babies,
und wir hädn seit eh und je scho jeden Gegner erledigt,
nur sie san wie Venedig, zwoa nett, nur tiaf g'sunken,
und hundate Heads san am End vo die N's mit uns unten !
Track Name: Limericks
Kayo:
I find dei Band ehrlich entbehrlich,
kana missbraucht sein Fame derortig,
doch wir werdn mit dem fertig,
jetzt red' a King, mei Verse is Catering-Service von Wortwitz,
desweng spoan Kids, verzichten auf ihrn Kornspitz,
wei's wissen: bei uns wird wos Bessers serviert,
und zig verschiedene Stile - wir san hoit versiert.
A Toy kopiert, und wird desweng von uns boykottiert,
und jetzt wird koiportiert, wir wan arrogant - wos woits vu mir ?
Wir hobn laung drüber debattiert, wos im Rap passiert,
und san uns sicher: Faker und Mikros g'hean separiert !
Olle von uns san dafir, i bin real, a waun i fantasier,
tring i daham a Bier und hoach Bahamadia,
bevor i mi in a Beisl hau, doch i bin ned oft derortig fäu,
waun i moi a Heisl bau, wiads zwoa a Fertigtäu,
doch mei Text is hoate Oabeit,
und erinnert an Schmerzen wie a guada Blues,
ois warad's mei Bluaterguß.

Hook:
Wir bringan Limericks, bis'd unter de Trimmer liegst,
i nim'ma x-Sübn vor, und du host no imma nix,
wir gebn da draußen und drinnen Kicks, wir kinnan Tricks,
uns nimmt ma fix, wei sunst find' ma nix !

Markee:
I bin da Chef der Sätze, in meim Safe san Schätze,
des wird dei letzta Fight, waun mei Reim in Schwung kummt, daun zafetzt’a Leid !
Se haum de Koin, mir haum de Skillz und kinnans kaum dahoin -
und waumma wos hoin, daun wissts jetzt haumma wos woin !
A doper Rapper - wos hot d´Muata gsogt zum Bua:
"Kumm olle Mcees in Europa deppat und sei ned imma bumm zua!"
Mir woitn chillig bechan, und haum gstoin, wei mir woitn billig tschechan -
heit tschick i Ganj' pur - in Haunf kenn i -
des is de Schüttlreim-Punch-Kur -
i rüttl' Scheibm ausm Ärmö und vun eich Kaumpfhähne gibts ka Spur!
I kenn Props, I brenn Cops, wei olle sans korrupt -
ob jetzt wird volles Rohr g'hupt und g'schniedn -
aus Flows werdn Serpentin', wei mir so derb emceen -
des stärkste Team: de meistn Skillz und d'ärgste Stimm!
Mir schlogn Crews, boid is' mit de Kedn um eanan Krogn schluss -
a Trum drah i nu um - vorm Meier - More Fire !

Hook
Track Name: Volles Programm Rmx
Markee:
Ich mach alles auf, der Beat ist mein Ditrich, ich dring in dich Species -
Markee ist der Industrie nicht dienlich wie Greenpeace.
Ich find die, die ich mies find und konfrontier sie mit Atombombenlyrics
und treib sie bei der Explosion schon in den Irrsinn.
Mein Reim ist wie Tyson, denn er verbeißt sich gleich in deim Ohr,
du willst ihn verdrängen und stellst dir den Papst beim Scheißen vor.
Doch ich bin unausweichlich - an Markee kommt keiner vorbei -
nenn mir zwei Lieblings-MCs, ich wett, ich bin einer von beiden !
Fetz vorbei wie ein Henkersbeil und durchtrenn dein' Scheitel,
du hörst ein "Twang"-Geräusch und erst im Jenseits das Ende der Zeile.
Beend auch was ich anfang, ich hoff man kennt mich langsam
als den Mann mit Hang zum Wahn und dem dringend-drängenden-Drang nach Klang !

M-A-R - Markee kommt statt zu klopfen mit dem Rammbock !
K - Dann bist du k.o., doch ich steh zu meinem Namen !
A-N-T - Wenn Bauxl geht bist du gefesselt vom Text -
und Dokta G.Cs Beat is Medizin am Ende des Tracks !

Kayo:
Ich war niedergeschlagen, als ich mich entschied für den Namen,
und bezieh's nicht auf andere, außer wenn sie's wirklich drauf anlegen.
Bin nicht am Egotrip, hab nichts dagegen wenn du mal Kayo bist,
doch ich schätz im Gegensatz zu mir überlebst du's nicht.
Ich beweis Stehvermögen, doch manchmal ist auch ne Drehung nötig -
nicht alle mögen das verstehen.
Zu viele stecken fest im Battle-Rap, echt ein Pech,
daß mir das grade jetzt einfällt, doch check mich mal mit Phekt.
Ich rap mal schlecht und ihr seht so:
[ka:jo] ist ausgesprochen scheiße, er ist K.O. !
Und dir ist eins klar, dein doppelter Boden wird für dich selbst ein Reinfall,
du bitest zwei Rapper auf einmal.

Bauxl:
Ich bin der Dritte im Bunde und sozusagen
Spezialist für das Verflechten von Sätzen mit einem dicken roten Faden.
Schon nach zwei Zeilen ist das Ergebnis, hier ohne Frage,
für jeden, der sich bewegt, ein einschneidendes Erlebnis.
Wenn alle Stricke reißen ist auf Bauxl verlass,
denn er baut dir nen Part, so spannend, ich glaub es raubt dir den Schlaf,
statt auf mit Knebelverträgen gebund`ne Leute zu hoffen
und kann auch ohne Majorlabels noch hunderte Mäuler stopfen.
doch weil die Stränge der Handlung hier bestens zusammen hängen,
wickel ich nicht um Finger, sondern fessel die ganzen Hände.
Dann verknüpf ich die Strophen am Ende mit Sprüchen wie Knoten
und so glückt ein verwobenes Stück mit erdrückendem Flow !

Hook

G.C:
Ich machs wieder gut, therapier träge MCs mit lebendigen Beats,
die pumpen wie durch Schlagadern Blut.
Der Arzt in der Crew geht unter jede Haut,
weil er wie'n plastischer Chirurg Produzenten das Fett absaugt.
Konkurrenten geben auf und bekennen sich zum Quacksalber,
denn sie operieren zu kompliziert, verlieren sogar die Handlanger.
Mein ganzer Kader machts markanter,
kuriert Opfer mit gezieltem Konter gegen s'Gift der Durchschnittsposer.
Crews in Ohnmacht und Schuld ist der Äther,
den ich verdünn mit Loops ausm Rechner und duzenden Rappern.
Sind die Konsumenten nur Bettler verlieren sie sicher ihren Willen
"und aus den süßesten Bonbons werden plötzlich bittere Pillen".

Hook

Cutz